Majarstanda ótetin dzıýdodan Grand Slam týrnırinde el namysyn kimder qorǵaıdy
ASTANA. KAZINFORM — Halyqaralyq dzıýdo federatsııasy (IJF) Majarstannyń Býdapesht qalasynda ótetin Grand Slam týrnırine qatysatyn sportshylardyń aldyn ala tizimin jarııalady.
Jarysta Qazaqstan atynan 15 sportshy tatamıge shyǵady. Ulttyq quramanyń tolyq quramy mynadaı:
Erler:
60 kelige deıin: Maǵjan Shamshadın, Nurádil Aljan;
66 kelige deıin: Aqjigit Nasyr, Meıirbek Baızaqov;
73 kelige deıin: Eset Qýanov, Ersultan Dúısenhan;
81 kelige deıin: Doshan Joljaqsynov;
90 kelige deıin: Ermahan Ánýarbekov, Danııl Krylov;
100 kelige deıin: Asqar Birjanov;
100 keliden joǵary: Ǵalymjan Qyryqbaı, Jantilek Nurtilepuly.
Áıelder:
48 kelige deıin: Dıana Býrkeeva;
78 keliden joǵary: Kámıla Berliǵash, Akerke Ramazanova.
Aıta keteıik, halyqaralyq týrnır 11-13 qyrkúıek aralyǵynda ótedi.
Eske salaıyq, buǵan deıin Qazaqstan taekvondodan Pákistandaǵy týrnırde eki qola medal jeńip alǵanyn habarlaǵan edik.
