Vengrııada ekologııalyq apat boldy
ASTANA. Qazannyń 5-i. QazAqparat - Vengrııanyń Vesprem aýdanynda qyzyl shlam saqtaıtyn suıyq qoıma buzyldy. Bul glınozem óndirý barysynda qalyptasatyn tunba, onyń quramynda temir oksıdi bar, dep habarlady Ýtro.rý agenttigi.
Naqty derekterge súıensek, eki adam qaza taýyp, úsh adam iz-tússiz joǵalyp ketken, 60 adam qatty jaraqattanyp, onyń ishinde toǵyz adamdy kúıik shalǵan. Qutqarý operatsııalary júrip jatyr, ásker kúshi tartylǵan. Jergilikti turǵyndar qaýipsiz mekenderge kóshirilýde.
Suıyq qoımadan kem degende 700 myń tekshe metr ýytty zat tógilgen. Qyzyl suıyqtyq ishinara jaqyn jerdegi úsh aýylǵa aǵyp, temir joldy basyp qalǵan. Bul oqıǵa saldarynan tipti temirjol qatynasy toqtap tur.
