Vengrııada bosqyndar máselesi boıynsha uıymdastyrylǵan referendým ótpeı qaldy
ASTANA. QazAqparat - Vengrııada ótken referendýmda Eýroodaqtyń osy elge bosqyndardy ornalastyrý máselesin jergilikti turǵyndardyń qanshalyqty qoldaıtyny anyqtalýy kerek bolatyn. Alaıda, referendýmda eldegi belsendi saılaýshylardyń tek 40 paıyzy ǵana daýys berdi.
Bul týraly Rıa Novostı agenttigi Vengrııanyń Ulttyq saılaý komıtetine silteme jasap habarlady, dep jazdy lenta.ru.
Referendým talapqa saı ótýi úshin oǵan el turǵyndarynyń kem degende 50 paıyzy qatysýy kerek bolatyn.
Bul rette Eýroodaqtyń Vengrııanyń azamattyǵy joq adamdardy elge qonystandyrý bastamasyn qanshalyqty qoldaısyz degen maǵynadaǵy saýalyna daýys bergen saılaýshylardyń 1,79 paıyzy ǵana kelisetindikterin bildirgen. Al, daýys berýshilerdiń 98,21 paıyzy bul bastamaǵa qarsy.
Eýrokomıssııanyń josparyna sáıkes, Vengrııa aldaǵy 2 jylda 2,3 myń bosqyndy qabyldaýy qajet bolatyn.
