Vengrııada avtobýs aýdarylyp, bir adam mert boldy
NUR-SULTAN. QazAqparat - Vengrııada avtobýs aýdarylyp, 1 adam qaza bolyp, 34 adam jaraqat aldy. Bul týraly «QazAqparat» HAA «Ýkrınformǵa» silteme jasap habarlaıdy.
Jol apaty Kıskýnfelegaza qalasynyń mańyndaǵy
M5 avtojolynda bolǵan.
Jergilikti polıtsııa qyzmetiniń habarlaýynsha, apat bolǵan kezde avtobýsta 2 júrgizýshi men 44 jolaýshyny qosa alǵanda, barlyǵy 46 adam bolǵan. Avtobýstyń aldyńǵy jaǵynda otyrǵan 35 jastaǵy er adam oqıǵa ornynda qaza boldy.
Vengrııalyq BAQ-tyń habarlaýynsha, 3 adam aýyr jaǵdaıda jatyr, onyń bireýi - 5 jasar bala.
Pal Derfıdegi Ulttyq jedel járdem qyzmetiniń ókili bergen aqparat boıynsha, vengrııalyq qutqarýshylar oqıǵa ornyna tikushaqtar men 14 jedel járdem kóligin jibergen. Jol apatynyń sebebi ázirge belgisiz.
