Vengrııada Abaı ınstıtýty ashylady
ÓSKEMEN. QazAqparat -S.Amanjolov atyndaǵy Shyǵys Qazaqstan Memlekettik ýnıversıtetiniń (ShQMÝ) ustazdary majarlarǵa qazaq tilin úıretedi. Sol úshin Vengrııada Abaı ınstıtýty ashylmaq, dep habarlaıdy QazAqparat tilshisi.
S.Amanjolov atyndaǵy ShQMÝ bazasynda Ahmet Baıtursynovtyń 145 jyldyǵyna arnalǵan konferentsııa ótti. Atalmysh jańalyq osy konferentsııa barysynda málim boldy. Býdapesht qalasynda qos eldiń ýnıversıtet rektorlarynyń forýmyna qatysqan Muhtar Tólegen Seged ýnıversıtetiniń basshylyǵymen osyndaı kelisimge kelgen.
«Majarlar qazaq elimen rýhanı baılanysyn nyǵaıtý úshin tilimizdi úırenbekshi. Abaı ınstıtýty osy maqsatta ashylyp otyr. Bizden baratyn qos oqytýshy Seged ýnıversıtetiniń bazasynda qandastarymyzǵa qazaq tilin úıretedi. Inıstıtýt bizdiń taraptan qarjylandyrylady», - deıdi rektor Muhtar Tólegen.
ShQMÝ bazasynda ótken konferentsııa «Ahmet Baıtursynuly jáne qazaq jazýynyń tarıhy» taqyrybyna arnaldy. Ǵylymı-tájirıbelik konferentsııanyń plenarlyq otyrysynda qazaq jazýynyń tarıhy, A. Baıtursynovtyń qazaq til biliminiń damýyna qosqan úlesi jáne latyn qarpine negizdelgen jańa álipbıdiń erekshelikteri talqyǵa salyndy.
Konferentsııa aıasynda qatysýshylar «Latyn álipbıi - órkenıet jazýy» jáne «A. Baıtursynovtyń eńbegi jáne jazý reformasy» atty eki sektsııada jumys isteýde.
