Vengrııa sharshy alańyna shyǵatyn qazaqstandyq boksshylar belgili boldy
Aqpannyń 8-ine deıin jalǵasatyn týrnırge qazaqstandyq boksshylar da qatysady. Bul týraly QazAqparat tilshisine bokstan ulttyq quramanyń bas bapkeri Ǵalymbek Kenjebaev aıtyp berdi.
«Bul týrnırge quramanyń qosalqy quramdaǵy boksshylary ketti. Negizgi quram Tokıo olımpıadasyna irikteý týrnırine qatysady. Qazir boksshylar qysqa merzimge demalysqa ketti. Endi osy 16 aqpanda jınalyp, 29-yna deıin qaıta daıyndyqty pysyqtaımyz. Sol úshin atalǵan týrnırge jastardy jiberdik», - dedi bapker.
Ol sondaı-aq Ishtvan Boshkaı memorıalyna qatysatyn boksshylardiń aty-jónin de atady.
«52 keli salmaqta - Mahmud Sabyrhanǵa, 57 kelide - Aıdos Arapovqa 63 kelide - Sanatáli Toltaevqa, 69 keli salmaqta - Talǵat Shaıkenge, 75 kelide - Talǵat Jakpekovke, 81 keli salmaqta - Nurbek Oralbaıǵa, 91 kelide - Aıbek Oralbaıǵa úmit artsaq, asa aýyr salmaqta Damır Toıbaı el namysyn qorǵaıdy», - dep atap ótti bas bapker.