Vengrııa Prezıdenti plagıatqa qatysty aıyptaýlar úshin otstavkaǵa ketýde
ASTANA. 2 sáýir. QazAqparat - Vengrııa Prezıdenti Pal Shmıtt doktorlyq dıssertatsııany jazý barasyndaǵy plagıatqa qatysty aıyptaýlar úshin otstavkaǵa ketip jatyr.
Óziniń sheshimi týraly P. Shmıtt ulttyq parlamentte málim etti, dep habarlady RBK.
Pal Shmıtt 1992 jyly qazirgi zamanǵy Olımpıada oıyndary taqyrybynda doktorlyq dıssertatsııa qorǵaǵan Ignats Zemmelvaıs atyndaǵy Býdapesht medıtsına jáne sport ýnıversıtetiniń doktorlyq keńesi ótken aptada saıasatkerdi jumysty jazý barysyndaǵy plagıat úshin ǵylymı ataqtan aıyrdy. Arnaıy komıssııa P. Shmıttiń 215 bettik dıssertatsııasynyń 180 beti ózge bireýdiń eńbeginen túpnusqaǵa eshbir siltemesiz kóshirip alynǵan degen qorytyndy jasady. BAQ ókilderi atalmysh dıssertatsııada bolgarlyq ǵalym Nıkolaı Georgıevtiń shyǵarmalarynan kóshirip alynǵan taraýlar bar dep aıyptaǵannan keıin tekserýler bastalǵan bolatyn.
P. Shmıtt fehtovanıe boıynsha 1968 jáne 1972 jyldarǵy Olımpıada oıyndarynyń chempıony, 2010 jyldyń maýsym aıynan bastap Vengrııa memleketiniń prezıdenti.
