Vengrııa Premer-mınıstrdiń ókilettik merzimin shektedi
ASTANA.KAZINFORM - Vengrııa Parlamenti konstıtýtsııaǵa premer-mınıstr ókilettigin eki tórt jyldyq merzimmen shekteıtin túzetý engizdi, dep habarlaıdy Kazinform agenttiginiń EO-daǵy tilshisi.
Parlamenttiń 135 múshesi qoldap, 50-i qarsy daýys berdi, al altaýy qalys qaldy. Jańa zań keri kúshke ıe jáne 1990 jyldan beri premer-mınıstr qyzmetin atqarǵandardyń barlyǵyna qoldanylady.
Bul Vengrııanyń burynǵy premer-mınıstri Vıktor Orbannyń premer-mınıstr qyzmetine qaıta orala almaıtynyn bildiredi. Saıası mansaby kezinde ol mınıstrler kabınetin bes merzim basqardy, onyń ishinde 2010 jyldan beri úzdiksiz atqardy.
Túzetýdi qazirgi premer-mınıstr Peter Madıardyń bıliktegi «Tısa» partııasy bastady.
Premer-mınıstrdiń ókilettik merzimin shekteý 2026 jyldyń sáýirindegi parlamenttik saılaýda jeńiske jetken onyń partııasynyń negizgi saılaýaldy ýádeleriniń biri boldy. Vıktor Orbannyń «Fıdes» partııasy dástúrli túrde túzetýge qarsy daýys berdi.
Aıta keteıik, Peter Madıar mamyr aıynda Vengrııanyń jańa premer-mınıstri bolyp saılandy.
Buǵan deıin Vengrııa vıtse-premeri partııa jetekshiliginen ketýge ótinish bergen bolatyn.
