Vengrııa mıgranttar aǵyny saldarynan Horvatııamen shekarany japty
ASTANA. QazAqparat - Vengrııa senbige qaraǵan túni bosqyndardyń kelýin toqtatý maqsatynda Horvatııamen shekarany japty, dep habarlady Bı-bı-sı.
Vengrııa úkimeti «Mundaı sharalar Vengrııa men Eýropa elderiniń azamattaryn qorǵaý úshin jasalyp otyr» degen málimdeme taratty.
Shekara jabylǵan soń bosqyndar eki shekaralyq tranzıttik aımaqta baspana berý boıynsha ótinish bere alady. Bul aptada Vengrııada jańa kóshi-qon zańy kúshine endi. Oǵan sáıkes polıtsııa elge zańsyz kirgen mıgranttardy qamaýǵa alýǵa mindetti. Shekaradan zańsyz ótken jáne shekaradaǵy qorshaýlardy buzǵan adamdar úsh jylǵa deıin bostandyǵynan aıyrylýy múmkin. 14 qazanda vengrııalyq polıtsııa elge zańsyz kirgen 367 mıgrantty ustaǵany týraly habarlady.
Vengrııanyń Syrtqy ister mınıstri Peter Sıııarto buryn EO elderiniń brıýsseldik sammıtke qatysýshylary Vengrııanyń jalpyeýropalyq shekara qyzmetin qurý týraly usynysynan bas tartqanyn málimdegen. Osylaısha Býdapesht bir jaqty tártipte áreket ete bastady. Vengrııa bıliginiń aqparatynsha, 2015 jyldyń basynan elge 383 myńnan astam mıgrant kelgen.
Osyǵan deıin Vengrııa Serbııamen shekarada jańa erejelerin bekitti. Bosqyndar baǵytty aýystyryp, Vengrııaǵa Horvatııa arqyly kele bastady.
Qyrkúıekte Vengrııa Horvatııaǵa óz egemendigin buzdy dep aıyptady. Buǵan Horvatııadan Vengrııaǵa bosqyndar mingen poıyzdyń kelýi sebep boldy. Sonymen qatar Býdapesht Rýmynııamen shekarada qorshaý salý sheshimin qabyldaǵany habarlandy.
