Vengrııa b.e.d. IV ǵasyrdaǵy «Zevs qazynasynyń» jartysyn 15 mln. dollarǵa satyp aldy
ASTANA. QazAqparat - Vengrııa bıligi ótken ǵasyrdyń 70-jyldary el aýmaǵynan tabylǵan, biraq shekaradan asyp ketken kúmis ydys-aıaqtardyń biregeı toptamasy - «Zevs qazynasynyń» jartysyn otanyna qaıtaryp aldy.
Bul týraly baspasóz konferentsııasynda Vengrııanyń premer-mınıstri Vıktor Orban málimdedi. Úkimettiń derekterine súıensek, jeti kúmis buıymdy satyp alý 15 mln. dollarǵa túsken, barlyq toptama 100 mln. dollarǵa baǵalanǵan, dep habarlaıdy ITAR-TASS.
"Zevs qazynasynda" - kúmisten jasalǵan tórt tabaq, bes qumyra, eki shelek, tostaǵan, qobdısha jáne qola qazan bar. Ónertanýshylardyń derekterine súıensek, olardyń bári bizdiń dáýirge deıingi IV-V ǵasyrlarda jasalǵan. Bir tabaqshada syıǵa tartylǵany týraly oıyp jazylǵan, jazbada: «Bul syılyq, Sizge, Zevske, jyldar boıy qyzmet etsin» delingen.
Vengrııa úkimeti málim etkendeı, biregeı kúmis buıymdary parlamentte kópshilik nazaryna usynylmaq. Kórem deýshilerge esik ashyq. Al 2018 jyldan bastap «Zevs qazynasy» Býdapeshtiń jańa murajaıyna qoıylady.
