Venetsııada týrıster mingen avtobýs órtenip, 21 adam qaza tapty

Týrısterdi kempıngke apara jatqan avtobýs estakadadan qulap, órtendi. Saldarynan 21 adam qaza taýyp, 15 jolaýshy jaraqat aldy. Qaza tapqandar qatarynda eki bala bar, dep habarlaıdy QazAqparat agenttigi Euronews basylymyna silteme jasap.

Venetsııada qurban bolǵandar qatarynda Horvatııa, Ýkraına, Germanııa jáne Frantsııa azamattary bar.

Jalpy kólik apatynan 21 adam mert boldy, onyń ishinde 2 bala bar. Taǵy 15 jolaýshy jaraqat aldy, tórteýiniń jaǵdaıy aýyr.

Keshe keshke týrısterdi tasymaldap bara jatqan avtobýs temirjol mańynda 10 metr bıikten qulap, órt tutanǵan.

«Avtobýs on metrden astam bıiktegi joldan qulaǵan. Bul akkýmýlıatormen jumys isteıtin elektrobýs bolǵandyqtan órtenip, avtobýs ishindegi adamdar qyzyl jalynǵa oranǵan. Órt sóndirýshiler kórgen kórinis óte aýyr, óte qorqynyshty boldy», — dedi Venetsııa órt sóndirýshiler komandıri Marıo Lýongo.

Avtobýs Margera kommýnasy aýdanynda kempıngke bara jatqan.

Boljam boıynsha, apatqa 40 jastaǵy júrgizýshiniń jaǵdaıy sebep bolǵan.

Polıtsııa dereginshe, oqıǵa ornynda kólikti tejeý izi baıqalmady.

Qaıǵyly oqıǵaǵa baılanysty Venetsııa meri Lýıdjı Brýgnaro qalada aza tutý kúnin jarııalady.

Death toll from #Venice, #Italy bus crash rises to 21, several others still unaccounted for - ANSA pic.twitter.com/OEauN1kFlw

— Siraj Noorani (@sirajnoorani) October 4, 2023