Venetsııa kınofestıvaliniń «Altyn arystany» amerıkalyq rejısser Djım Djarmýshqa buıyrdy
ASTANA. KAZINFORM – Venetsııa halyqaralyq kınofestıvaliniń bas júldesi – «Altyn arystandy» amerıkalyq rejısser Djım Djarmýsh «Áke, ana, qaryndas, aǵa» («Father Mother Sister Brother») fılmimen ıelendi, dep habarlaıdy DW.
72 jastaǵy rejısserdiń týyndysy Nıý-Iork, Parıj jáne Dýblın qalalarynda ártúrli býyndar taǵdyryn sýretteıtin úsh epızodtan turady. Fılmde Tom Ýeıts, Adam Draıver, Sharlotta Remplıng, Keıt Blanshett, Indııa Mýr jáne Vıkı Krıps sekildi tanymal akterler oınaǵan.
Festıvaldiń ekinshi júldesi – «Kúmis arystan» týnıstik rejısser Kaýter Ben Hanıdiń «Hınd Radjabtyń daýysy» («The Voice of Hind Rajab») fılmine berildi. Kartına Gaza sektorynda 2024 jyldyń qańtarynda qaza tapqan palestınalyq qyzdyń sońǵy mınýttaryn beıneleıdi.
Úzdik rejısser atalymynda amerıkalyq Bennı Sefdı («The Smashing Machine») marapattaldy.
Úzdik stsenarıı júldesin frantsýzdar Valerı Donzellı men Jıl Marshan «Jumysqa» («À pied d'œuvre») fılmi úshin aldy.
Áıelder arasyndaǵy úzdik ról úshin marapat Qytaı aktrısasy Sın Chjıleıge («Kún bárimizge shyǵady») berilse, erler arasyndaǵy úzdik róldi ıtalııalyq Tonı Servıllo («Meıirim») oryndady.
Al úzdik debıýtke arnalǵan Lion of the Future júldesin reseılik rejısser Nastıa Korkııa «Qysqa jaz» fılmi úshin ıelendi.
Aıta keteıik, «Palestine 36» fılmi 2026 jylǵy Oskar syılyǵyna Palestınanyń resmı úmitkeri atandy.