Venetsııa 18 sáýirden bastap týrızm salyǵyn qaıta engizedi

ASTANA.KAZINFORM - Jumadan bastap Venetsııa týrızm salyǵyn qaıta jınaı bastaıdy. Bıylǵy jyldyń basty jańalyǵy - sońǵy sátte kelgender eki ese tarıf tóleıdi, dep habarlaıdy The Guardian basylymy.

Ótken jyly Venetsııa kirý aqysyn alǵan álemdegi alǵashqy iri týrıstik qala boldy.

Bastama kelýshiler sanyna az áser etkenimen, qalaǵa shamamen 2,4 mıllıon eýro ákeldi, bul kútkennen áldeqaıda kóp.

Bıylǵy jyly tólem áli de 5 eýro, biraq bıletti qalaǵa kirerge úsh kún qalǵanda alǵandar úshin 10 eýro bolady. Sonymen qatar, shara qoldanylatyn kún uzaqtyǵy 54-ke deıin ulǵaıtyldy - negizinen 18 sáýir men 27 shilde aralyǵyndaǵy demalys kúnderi, bul ótken jylmen salystyrǵanda eki ese kóp. Tólem jergilikti ýaqyt boıynsha 8:30-dan 16:00-ge deıin alynady.

Kelýshilerge QR kody beriledi, ol Venetsııa Santa-Lıýsııa stantsııasy sııaqty qalanyń negizgi kireberisterindegi bılet ınspektorlaryna kórsetilýi kerek.

Venetsııada bir túnge turýǵa tapsyrys bergender Veneto aımaǵynan kelgen týrıster sııaqty tólemnen bosatylady. Tólem 14 jasqa tolmaǵan balalarǵa qoldanylmaıdy. Alaıda, qonaqúıde demalatyndar da arnaıy saıtqa tirkelýi kerek.

Ótken jyly Venetsııaǵa jáne onyń mańyndaǵy aýdandarǵa kelýshiler sany boıynsha jańa rekord ornatyldy: 3,9 mıllıonnan astam adam qalanyń tarıhı ortalyǵynda túnep shyqty. Alaıda qala jyl saıyn shamamen 30 mıllıon adamdy qabyldaıdy, olardyń kópshiligi bir kúnge keledi.

Osyǵan deıin venetsııalyqtardyń gondolerlerdiń azaıyp bara jatqanyna alańdap otyrǵany týraly jazdyq.