Venesýellanyń iri munaı óńdeýshi zaýytyna naızaǵaı túsip, órt shyqty
ASTANA. 12 tamyz. QazAqparat - Venesýella bıligi Karıb teńiziniń jaǵalaýyndaǵy Pýerto-la-Krýs qalasynyń iri munaı óńdeýshi zaýyttarynyń birinde bolǵan órttiń saldarynan adamdardy shyǵara bastady, dep habarlady Bı-Bı-Sı.
Zaýyt ókilderiniń aqparaty boıynsha, órttiń oryn alýyna óndiris qaldyqtarynyń tehnıkalyq sý qoımasyna túsken naızaǵaı jarqyly sebep bolǵan, dep habarlady RBK.
Jalyn 30 metr bıiktikke kóterilip, kásiporynnyń aýmaǵy qoıý qara tútinge oranǵan. PDVSA Venesýella munaı kompanııasynyń habarlaýy boıynsha, qaza bolǵandar men zardap shekkender joq. Bılik ókilderi órtti aldaǵy birneshe saǵattyń ishinde aýyzdyqtaýǵa bolady dep otyr.
Pýerto-la-Krýs qalasyndaǵy munaı óńdeýshi zaýyt kúnine 200 myń barr. munaı óndiredi. Kásiporyn qalanyń ishinde ornalasqan.
