Venesýelanyń munaı óńdeýshi zaýytynda jarylys boldy
ASTANA. 26 tamyz. QazAqparat - Venesýeladaǵy munaı óńdeýshi zaýytta gazdyń jarylýy saldarynan jeti adam qaza tapty, al 48-i jaralandy. Bul týraly Eýrazııa birinshi arnasy jazady.
Lenta.ru habarlaǵandaı, oqys oqıǵa tańerteń Amýaı portty qalasyna jaqyn jerdegi Paragýana túbeginde ornalasqan Paraguana Refining Center munaı óńdeýshi zaýytynda bolǵan. Qolda bar málimetke súıensek, jarylys gazdyń ashyq qalýy saldarynan bolypty. Apattyń sebepteri anyqtalyp jatyr. Jergilikti bılik jaǵdaıdyń baqylaýda ekenin jáne qaıtalama jarylys bolmaıtynyn aıtyp, halyqtyń úreıin basty.
Aıta keteıik, jarylys kásiporyn ınfraqurylymy men zaýytqa jaqyn ornalasqan úılerge aıtarlyqtaı zııan keltirdi.
