Venesýelanyń gaz óńdeý zaýytynda jarylys boldy
ASTANA. KAZINFORM - Venesýelanyń gaz óńdeý zaýytynda jarylys bolyp, 3 adam zardap shekti, dep habarlaıdy reseılik Rıa Novostı agenttigi.
Qýatty jarylys shyǵys Monagas shtatyndaǵy venesýelalyq PDVSA kompanııasynyń gaz óńdeıtin Muscar zaýytynda bolǵan. Oqıǵanyń saldarynan keminde 3 adam zardap shekti.
«Esekel-Samora ákimshilik aýdany PDVSA kompanııasyna tıesili Muscar zaýytyndaǵy jarylystan soń órt shyqty. Resmı emes málimetterge qaraǵanda, PDVSA klınıkasyna zardap shekken úsh adam jetkizilgen»,-delingen habarlamada.
Jergilikti turǵyndar keminde bes jarylys bolǵanyn aıtyp jatyr, sondaı-aq zaýytqa jaqyn aımaqta evakýatsııa júrgizildi.
Osyǵan deıin Ispanııa premer-mınıstri sý tasqynyna baılanysty 3,7 mıllıon eýro kólemindegi kómek bóletinin aıtty.
