Venesýelada 7,1 baldyq jer silkinisi tirkeldi
ASTANA. KAZINFORM — Venesýelanyń soltústiginde magnıtýdasy 7,1 bolatyn jer silkinisi tirkeldi, dep habarlaıdy Report.
Málimetke sáıkes, jerasty dúmpýleri sársenbi kúni jergilikti ýaqytpen saǵat 18:04–te (Astana ýaqytymen beısenbi kúni saǵat 03:04) Valensııa qalasynan soltústik-batysqa qaraı 60 shaqyrym jerde tirkelgen. Atalǵan qalada shamamen 1,62 mıllıon adam turady.
Jer silkinisiniń oshaǵy 13 shaqyrym tereńdikte ornalasqan.
Osyǵan deıin Kýbada 5,3 baldyq jer silkinisi tirkeldi. Maýsym aıynyń basynda osy óńirde magnıtýdasy 6,2 bolatyn budan da kúshti dúmpýler bolǵan, olar el astanasy Gavana qalasynda da sezilgen.
