Venesýeladaǵy sý tasqyny: 20 adam qaza taýyp, 54 myńnan astamy zardap shekti
NUR-SULTAN. QazAqparat – Venesýelanyń batysyndaǵy Merıda shtatynda sý tasqyny bolyp, saldarynan kem degende 20 adam zardap shekti, dep habarlaıdy QazAqparat Reuters-ke silteme jasap.
Merıdany basqaratyn sotsıalıstik partııanyń resmı ókili qaza tapqandar sanynyń óskenin málim etip, bılik keıbir aýdandaryndaǵy telefon baılanysyn qalpyna keltirip jatqanyn aıtty.
«Demokratııalyq áreket» oppozıtsııalyq partııasynyń múshesi, shtat gýbernatory Ramon Gevara 1200 úı qırap, 17 adam iz-túzsiz joǵalǵanyn málimdedi.
Іshki ister mınıstri Remıgıo Sebalo memlekettik telearnaǵa joldar men kópirlerdi qospaǵanda 87 mýnıtsıpalıtette 54 543 adam zardap shekkenin habarlady. Ol Merıda, Tachıra, Sýlııa, Apýre, Amazonas, Bolıvar, Delta-Amakýro, Monagas jáne Aragýa shtattarynda tótenshe jaǵdaı jarııalanǵanyn aıtty.
Qazirgi ýaqytta qarýly kúshterdiń áskerı qyzmetshilerine qosymsha 80 órt sóndirýshi men 60 azamattyq qorǵanys qyzmetkeri apat saldaryn joıý jumystaryna tartylǵan.
