Venesýeladaǵy narazylyq sharalary kezinde 121 adam qurban boldy
ASTANA. QazAqparat - Sáýir aıynda Venesýela bıligine qarsy narazylyq sharalary kezinde 2 myńǵa jýyq adam jaraqat aldy.
Venesýelanyń bas prokýrory Lýısa Ortega Dıas 4 aıńa jýyq ýaqytqa sozylǵan narazylyq sharalary kezinde elde 121 adam qurban bolyp, 2 myńǵa jýyq adam jaraqat alǵan, dep habarlaıdy Rıa Novostı.
«Sońǵy 4 aıda bizde kóńil jabyrqatarlyqtaı jaǵdaı qalyptasty. 121 venesýelalyq ómirimen qosh aıtysyp, 1958 adam aýyr jaraqat aldy»,-dep málimdedi Ortega Dıas baspasóz máslıhatynda.
Onyń sózinshe, Ulttyq quryltaı májilisiniń saılaýyna 1 kún qalǵanda 10 adam óltirilgen.
Aıta keteıik, 30 shildede Venesýelada Ulttyq quryltaı májilisiniń saılaýy ótken. Kandıdattardyń bireýi de oppozıtsııa ókili emes bolyp shyqty. AQSh ókilderi bul saılaýǵa qarsy shyǵyp, Venesýela prezıdenti Nıkolas Madýraǵa elde demokratııany qurtqany úshin sanktsııa qoldandy.
