Venesýeladaǵy narazylyq aktsııalarynan 63 adam kóz jumǵan
ASTANA. QazAqparat - Venesýelada sáýir aıynyń basynda bastalǵan túrli narazylyq aktsııalarynan kóz jumǵandar sany 63 adamǵa jetti. Bul týraly Bolıvarıan Respýblıkasynyń bas prokýrory Lýısa Ortega Dıas Union Radio radıosynda bergen suhbatynda aıtty, dep jazady TASS.
Baqylaý vedomstvosynyń júrgizgen zertteýlerine qaraǵanda, sáýir aıynan beri 1,2 myń adam jaraqat alǵan.
«Qaza tapqan 63 adamnyń 19-y qaýipsizdik kúshiniń áreketteri saldarynan kóz jumdy», - dedi Ortega Dıas.
Prokýratýra el aýmaǵynda narazylyq kezinde jasalǵan túrli zań buzýshylyqtar boıynsha 3,4 myń qylmystyq is qozǵalǵandyǵyn, qazirgi tańda bılik 420 adamdy qamaýda ustap otyrǵandyǵyn atap aıtty. Bılikke qarsy aktsııalar kezinde jalpy 40 adam iz-túzsiz joǵalsa, onyń 19-y quqyq qorǵaý organdarynyń qyzmetkerleri bolǵan.
