Venesýeladaǵy jer silkinisinen qaza tapqandar sany 4 829 adamǵa jetti
ASTANA. KAZINFORM – Venesýeladaǵy joıqyn jer silkinisterinen qaza tapqandar sany 4 829 adamǵa jetti, dep habarlaıdy Reuters.
Bul týraly eldiń Ulttyq assambleıasynyń tóraǵasy Horhe Rodrıges sársenbi kúni jańartylǵan málimetterdi jarııalap málimdedi.
Bıliktiń aqparatyna sáıkes, 24 maýsymdaǵy jer silkinisterinen zardap shekkender sany ózgerissiz qalyp, 16 740 adamdy qurap otyr. Sonymen qatar tabıǵı apat saldarynan 17 907 turǵyn áli kúnge deıin baspanasyz qalǵan.
Eske salsaq, Venesýelada bolǵan kúshti jer silkinisi Karakas qalasyndaǵy kóptegen turǵyn úıdi qıratty.
AQSh Geologııalyq qyzmetiniń málimetinshe, jer silkinisiniń epıtsentri Karıb teńizi jaǵalaýyndaǵy Moron eldi mekeniniń batysynda, Karakastan shamamen 168 shaqyrym jerde ornalasqan. Jer silkinisiniń oshaǵy 13 shaqyrym tereńdikte bolǵan.
1 shildede Venesýela prezıdentiniń mindetin atqarýshy Delsı Rodrıges jer silkinisi qurbandaryn aza tutý úshin elde jeti kúndik ulttyq aza tutý jarııalady.
Sondaı-aq Qytaı Venesýelaǵa alǵashqy gýmanıtarlyq kómek partııasyn jiberdi.
Buǵan deıin Venesýelada jer silkinisterinen qaza tapqandar sany 4,7 myńnan asqany habarlanǵan edi.
