Venesýeladaǵy jer silkinisinen qaza tapqandar sany 3 685 adamǵa jetti
ASTANA. KAZINFORM — Venesýelada bolǵan joıqyn jer silkinisi saldarynan 3 685 adam qaza tapty, dep habarlaıdy TASS.
Basylymnyń málimetinshe, bul týraly Venesýelanyń Bolıvar Respýblıkasynyń Ulttyq assambleıasynyń tóraǵasy Horhe Rodrıges málimdegen.
Úkimet jarııalaǵan kúndelikti málimetke sáıkes, 16 740 adam túrli jaraqat alǵan, taǵy 17 907 turǵyn baspanasyz qalǵan. Tabıǵı apat saldarynan 190 ǵımarat tolyq qırap, taǵy 856 nysanǵa aıtarlyqtaı zaqym kelgen.
Іzdestirý-qutqarý jumystary barysynda 6 462 adam qutqaryldy. Aýrýhanalar men basqa da medıtsınalyq mekemelerde 25 970 zardap shegýshige medıtsınalyq kómek kórsetildi.
Sonymen qatar 86 794 otbasy gýmanıtarlyq kómekpen qamtyldy. Azyq-túlikti qosa alǵanda, jetkizilgen gýmanıtarlyq júktiń jalpy kólemi 9 603 tonnany qurady.
Eske salaıyq, buǵan deıin Qytaı Venesýelaǵa alǵashqy gýmanıtarlyq kómek partııasyn jibergenin jazǵan bolatynbyz.
