Venesýeladaǵy jer silkinisi: qaza tapqandar sany 1450-ge jetti
ASTANA. KAZINFORM — Venesýelada 24 maýsym kúni bolǵan eki qýatty jer silkinisi saldarynan qaza tapqandar sany 1450 adamǵa jetti. Bul týraly jeksenbi kúni eldiń Ulttyq assambleıasynyń (bir palataly parlament) tóraǵasy Horhe Rodrıges málimdedi, dep habarlaıdy Sınhýa.
Kún ótken saıyn úıindi astynan tiri qalǵandardy tabý múmkindigi azaıyp barady.
BUU Damý baǵdarlamasynyń aldyn ala baǵalaýynsha, tabıǵı apattyń saldarynan materıaldyq shyǵyn 6,7 mıllıard dollar boldy.
Euronews málimetinshe, Venesýeladaǵy joıqyn jer silkinisinen keıin iz-túzsiz joǵalǵandar sany 68 myń adamǵa jetken.
Buǵan deıin qaza tapqandar sany 1430 adamǵa jetkeni týraly habarlanǵan bolatynbyz.
Eske salaıyq, Venesýelada 24 maýsym keshke jáne 25 maýsym tańerteń eki ret joıqyn jer silkinisi bolyp, kóp turǵyn úı qırady. Elde tótenshe jaǵdaı jarııalanyp, eń kóp zardap shekken La-Gýaıra shtaty áskerı kúshterdiń baqylaýyna berildi.
Qazirgi tańda Venesýela halyqaralyq uıymdar men túrli memleketterdiń gýmanıtarlyq kómegin qabyldap jatyr.
Aıta keteıik, qutqarýshylar 11 jastaǵy balany úıindi astynan 70 saǵattan keıin aman alyp shyqty.
