Venesýeladaǵy áýejaıǵa naızaǵaı túsip, 9 adam zardap shekti
ASTANA. KAZINFORM — Venesýelanyń soltústigindegi Valensııa qalasynyń áýejaıyna naızaǵaı túsip, 9 adam zardap shekti, dep habarlaıdy El Universal.
Valensııa qalasynda bolǵan oqıǵa kezinde tropıkalyq nóser jaýǵan. Jaýyn-shashyn kezinde naızaǵaı ushý-qoný jolaǵyna jaqyn ornalasqan jasyl aımaqqa túsken. Zardap shekkenderdiń arasynda Ulttyq gvardııanyń 4 áskerı qyzmetkeri jáne servıstik kompanııalardyń 5 qyzmetkeri bar.
Olardyń barlyǵyna medıtsınalyq kómek kórsetildi. Zardap shekkenderdiń jaǵdaıy turaqty dep baǵalanyp otyr.
Aıta keteıik, Qazaqstanda bir táýlikte naızaǵaı saldarynan 55 orman órti shyqty.
