Venesýelada júzdegen myń adam el prezıdentiniń bılikten ketýin talap etti
ASTANA. QazAqparat - Karakasta júzdegen myń adam narazylyq sherýine shyǵyp, prezıdent Nıkolas Madýronyń bılikten ketýi jóninde referendým ótkizýdi talap etti, dep jazady 24.kz.
Bul sońǵy 10 jylda Venesýelada eń kóp halyq jınalǵan narazylyq sharasy boldy. Sherý aıaqtalǵannan keıin birneshe adam polıtsııamen qaqtyǵysyp qaldy. Tártip saqshylary narazy topqa qarsy gaz qoldanǵan. Tártipsizdikke qatysqan 10 shaqty adam qamaýǵa alyndy.
Venesýela sońǵy kezderi aýyr ekonomıkalyq daǵdarysty bastan keshirýde. Bıýdjet kirisiniń basym bóligin quraıtyn munaı baǵasy quldyraǵannan keıin elde ınflıatsııa deńgeıi artyp, eń qajet taýarlar tapshy bola bastady.
