Venesýelada ushaq apatynda 33 adam tiri qaldy
ASTANA. Qyrkúıektiń 14-i. QazAqparat - Venesýelada bolǵan ushaq apaty kezinde aman qalǵandardyń sany, sońǵy málimetter boıynsha, 33 adamdy qurap otyr, dep habarlady eldiń memlekettik telearnasy Bolıvar shtatynyń gýbernatory Fransısko Rahnel Gomeske silteme jasap. Aqparatta sondaı-aq, qazirgi ýaqytta 14 adamnyń denesi tabylǵany aıtylady, dep habarlaıdy «RIA «Novostı» agenttigi.
Venesýelalyq Conviasa áýe kompanııasynyń ushaǵy Bolıvar shtatynda, Pýerto-Ordos qalasynyń mańyna keshe qulaǵan bolatyn. Túrli derekkózder, ushaq bortynda qansha adamnyń bolǵany týraly qarama-qaıshy aqparattar keltirýde. Venesýelanyń AVN memlekettik aqparat agenttigi ushaq bortynda 43-ten 47-ge deıingi aralyqta jolaýshy jáne 4 ekıpaj múshesi bolǵanyn habarlasa, memlekettik telearna men Universal gazetiniń aqparaty boıynsha, laıner bortynda 47 jolaýshy jáne 4 ekıpaj múshesi, barlyǵy 41 adam bolǵan.
Eldiń kólik jáne kommýnıkatsııa mınıstri Fransısko Garses, týrıster arasynda keń tanymal Margarıta aralyna ushyp bara jatqan ATR-42 ushaǵy jerden kóterilgennen keıin, shamamen jergilikti ýaqyt boıynsha saǵat 10.00-da Pýerto-Ordostyń shyǵysyna qaraı 10 shaqyrymdaı jerge qulaǵan.
