Venesýelada úsh adam hantavırýstan qaıtys boldy
ASTANA. KAZINFORM — Venesýelanyń Densaýlyq saqtaý mınıstrligi hantavırýs juqtyrǵan úsh adamnyń qaıtys bolǵanyn málimdedi, dep habarlaıdy Anadoly.
Vırýs juqtyrǵandardyń úsheýi de Ansoategı shtatynan.
Mınıstrlik qaıtys bolǵandardyń kim ekenin jáne jasy týraly aqparat jarııalamady. Oqıǵanyń mán-jaıyn anyqtaý úshin keshendi tergeý bastalǵanyn atap ótti.
Sonymen qatar, Venesýelanyń Densaýlyq saqtaý mınıstrligi eldiń batysyndaǵy Barınas shtatynda da eki medıtsına qyzmetkeriniń belgisiz sebepterden qaıtys bolǵanyn habarlady.
Málimdemede Barınastaǵy jaǵdaı men Ansoategı shtatynda rastalǵan hantavırýs ınfektsııasy arasynda eshqandaı baılanys joqtyǵy aıtylǵan.
Buǵan deıin Nıderlandtaǵy emhana qyzmetkerinen hantavırýs anyqtalǵany habarlanǵan bolatyn.
