Venesýelada túrmeden qashqan 50 tutqyndy taba almaı jatyr
ASTANA. QazAqparat - Ótken demalysta Venesýeladaǵy túrmeden 51 qamaýdaǵy adam qashyp ketken. Bul týraly Nacional portaly jazdy, dep habarlaıdy QazAqparat.
Nýeva-Esparta shtatyndaǵy aldyn ala qamaý ortalyǵynan 40 qylmyskerdiń qashqany habarlandy.
Budan bólek, Sýlııa shtatyndaǵy túrmeden 10 tutqyn qashyp ketken. Sondaı-aq, Lara shtatynda sot tyńdalymyna jetkizilgen adamnyń biri qashqan. Qazirgi tańda qashqyndardyń barlyǵy izdestirilip jatyr.
Osy oqıǵaǵa baılanysty Venesýela túrmeler observatorııasy sottalýshylardyń ómir súrý jaǵdaıy adamgershilikke jatpaıdy dep atady. Sondaı-aq, prokýratýramen birlesip sáıkes tekserý júrgizýdi talap etti.
