Venesýelada - tótenshe jaǵdaı
ASTANA. QazAqparat - Venesýela prezıdenti Nıkolas Madýro da Kolýmbııamen shekaralas birneshe aımaqta 60 kúndik tótenshe jaǵdaı jarııalady.
Mundaı shara jaqynda Venesýela áskerine jasalǵan shabýyldan keıin qolǵa alyndy. Belgisiz 2 adam mototsıklmen kelip, oq jaýdyrǵan. Shabýyl kezinde 3 sarbaz ben bir jergilikti turǵyn jaraqat aldy. Osy oqıǵanyń aldynda ǵana áskerıler kontrabandalyq taýarlar tıegen kúdiktilerdi qamaýǵa alǵan bolatyn. Venesýela basshysy 14 qyrkúıekke josparlanǵan eki eldiń Syrtqy ister mınıstrleriniń kezdesýin tez arada ótkizýge shaqyrdy, dep habarlaıdy 24.kz.
