Venesýelada stýdentter narazylyq sherýge shyqty
ASTANA. QazAqparat - Venesýelanyń San-Krıstobal qalasyndaǵy stýdentter jappaı ereýilge shyqty. Olar ózderin toqtatpaq bolǵan polıtsııaǵa tas laqytyryp, qaqtyǵysqa túsken, dep habarlaıdy Habar 24 telearnasy.
Ereýilge qarsy jaýap retinde tártip saqshylary kóz jasaýratatyn gaz paıdalanyp, buzaqylyqqa barǵandardy taıaqtyń astyna aldy. Qaqtyǵystardan 27 adam zardap shekti. Olardyń tórteýi aýyr halde aýrýhanaǵa túsken. Taǵy birneshe stýdent qamaýǵa alyndy.
Málimetterge qaraǵanda, jastardyń jappaı ereýilge shyǵýyna bıliktiń prezıdent Nıkolas Madýronyń merziminen buryn otstavkaǵa ketýine baılanysty ótýi tıis referendýmnyń ekinshi kezeńin keıinge shegerýi sebep bolǵan.
Parlamentte kópshilik orynǵa ıe oppozıtsııanyń pikirinshe, Madýro referendýmdy boldyrmaı, konstıtýtsııany buzǵan, sol úshin ol memlekettik tóńkeris uıymdastyrýshy dep jarııalady.
Aıta keteıik, sońǵy jyldary Venesýela ekonomıkalyq daǵdarysqa tap bolǵan. Álemdik naryqtaǵy munaı baǵasy arzandaǵannan keıin munda ınflıatsııa artyp, azyq-túlik pen dári-dármek tapshylyǵy baıqalǵan bolatyn.
