Venesýelada prezıdent saılaýy ótti
ASTANA. KAZINFORM — Jeksenbi kúni venesýelalyqtar prezıdent saılaýynda daýys berdi. 2013 jyly Ýgo Chaves qaıtys bolǵannan keıin bul qyzmetke kelgen qazirgi prezıdent Nıkolas Madýro qatarynan úshinshi ret saılaýǵa tústi, dep jazady VVS.
Onyń basty básekelesi – burynǵy dıplomat Edmýndo Gonsales. Ony oppozıtsııalyq partııalar koalıtsııasy qoldaıdy.Saýalnamalarǵa sáıkes, ol qazirgi prezıdentten aıtarlyqtaı alda keledi.
Alaıda, álem qaýymdastyǵy 2018 jylǵy sońǵy saılaýdy ne erkin, ne ádil dep moıyndamady, sondyqtan Madýro qajetti nátıjege qol jetkize almasa, bul saılaýdyń nátıjesi burmalanady degen qaýip bar.
Venesýela saılaý komıssııasynda úkimetke adal adamdardyń jumys isteýi oppozıtsııanyń alańdaýshylyǵyn týdyrdy.
Daýys berý elektrondy túrde ótkiziledi jáne nátıjesi jeksenbige qaraǵan túni jarııalanady. Jeńimpaz 2025 jyldyń 10 qańtarynda ant berýi kerek.
