Venesýelada munaı óńdeý zaýyty órtendi
ASTANA. KAZINFORM — Venesýelanyń soltústik-batysyndaǵy qýaty jóninen ekinshi iri munaı óńdeý zaýyty — «Kardon» órt saldarynan jumysyn toqtatty, dep habarlaıdy Report.
Aqparatqa sáıkes, órt dızel otynyn gıdrotazartý qondyrǵysyn jalǵaıtyn gaz qubyrynan bastalǵan. Birneshe jarylystan keıin qazandyqtardy qosa alǵanda, kásiporynnyń búkil jumysy toqtatylǵan.
Órt bir saǵatqa jetpeı sóndirildi. Zardap shekkender týraly aqparat túsken joq.
Táýligine 310 myń barrel munaı óńdeıtin «Kardon» Venesýeladaǵy eń iri munaı óńdeý kesheni — táýligine 955 myń barrel munaı óńdeý qýaty bar Paragýana kesheniniń quramyna kiredi.
Ótken aıda shıkizat tapshylyǵyna baılanysty zaýytta munaıdy bastapqy aıdaý qondyrǵysy men katalıtıkalyq krekıng qondyrǵysynyń jumysy da toqtaǵan edi.
Aıta keteıik, munaı-gaz nysandaryndaǵy apattardyń negizgi sebepteri belgili boldy.
