Venesýelada Madýro men onyń áıelin qoldaý úshin jappaı sherý ótti
ASTANA. KAZINFORM — Sherýler Karakastyń ortalyǵynda jáne eldiń basqa qalalarynda uıymdastyryldy, dep habarlaıdy TASS.
Karakastyń ortalyǵynda AQSh-tan Venesýela prezıdenti Nıkolas Madýro men onyń áıeli Sılııa Floresti bosatýdy talap etken ereýil ótip, oǵan myńdaǵan adam qatysty.
Memleket basshysy men Bolıvar revolıýtsııasynyń jaqtastary bir kún buryn AQSh qarýly kúshteriniń bombalaýy men zymyrandyq shabýyldaryna ushyraǵan astananyń kósheleri men alańdaryna qoryqpaı shyqty. Narazy jurt Vashıngton ákimshiligin zańdy túrde saılanǵan prezıdent pen onyń áıelin dereý bosatyp, otanyna qaıtarýǵa jáne Venesýelaǵa qarsy qoqan-loqqyny toqtatýǵa shaqyrdy.
Osyǵan deıin AQSh Venesýelaǵa jáne onyń kóshbasshysy, prezıdent Nıkolas Madýroǵa qarsy aýqymdy operatsııany sátti júrgizgeni týraly jazdyq. Nátıjesinde Madýro jubaıymen birge ustalyp, elden evakýatsııalandy.
Jalpy Venesýelaǵa qarsy áskerı operatsııaǵa 150 bombalaýshy, joıǵysh jáne barlaý ushaǵy qatysqan.
