Venesýelada H áleýmettik jelisi qaıtadan jumys isteı bastady
ASTANA. KAZINFORM – Ýaqytsha prezıdent Delsı Rodrıgestiń jarlyǵy boıynsha H áleýmettik jelisi qaıtadan jumys isteı bastady, dep habarlaıdy Anadolu Ajansı.
Rodrıges pen ishki ister mınıstri Dıosdado Kabelo H áleýmettik jelisinde ózderiniń alǵashqy posttaryn jarııalady.
- Osylaısha, biz qaıtadan baılanysqa shyqtyq. Venesýela kúsh-qýat, ózine degen senimdilik pen tarıhı sanasy arqyly óz qalpyn saqtap qaldy. Ekonomıkalyq turaqtylyq, áleýmettik ádildik, basqasha aıtqanda Venesýela halqy laıyqty memleket jolynda bolashaqqa nyq qadam basa beremiz, - dedi Rodrıges.
Osyǵan deıin H platformasyn qanshama márte synaǵan Іshki ister mınıstri Kabelo Venesýelada bul arnanyń qaıtadan halyqtyń baılanys kózi bolyp qala beretinin málimdedi.
- Baılanysta bolyńyzdar, biz jeńemiz, - dedi vedomstvo basshysy.
Osyǵan deıin Venesýelanyń AQSh-pen alǵashqy dıplomatııalyq baılanystardy bastaıtyny jáne Tramp ózin Venesýela prezıdentiniń mindetin atqarýshy dep jarııalaǵany týraly jazdyq.
