Venesýelada elektr energııasyn únemdeý maqsatynda sheneýnikter juma kúnderi jumys istemeıtin boldy
ASTANA. QazAqparat - Venesýela prezıdenti Nıkolas Madýro elde elektr energııasyn únemdeý boıynsha jańa sharalar kesheni týraly jarııalady.
Aldaǵy eki aıdyń ishinde jergilikti sheneýnikter juma kúnderi jumys istemeıdi, bul eldegi qýańshylyq jaǵdaıynda elektr energııasyn únemdeýge múmkindik beredi. Ónerkásip kásiporyndaryna da elektr energııasynyń paıdalanylýyn qysqartý usynysy jasalady.
Aǵymdaǵy aptadan bastap, sáýir jáne mamyr aılaryndaǵy árbir juma kúni Venesýela sheneýnikteri úshin demalys kúni bolady. Bul rette, EFE agenttiginiń atap ótýinshe, juma kúni demalý tek memlekettik sektor qyzmetkerleri úshin emes, jekemenshik sektorǵa da qatysty bolý-bolmaýy ázirge belgisiz. Jańa jospar kóbine saýda ortalyqtary men qonaqúılerine tıisti bolady, dep naqtylaıdy VTV.
