Venesýelada belgisiz bireýler 11 er adamdy úıinen shyǵaryp alyp, atyp tastaǵan
ASTANA. QazAqparat - Venesýela qalasynyń batysyndaǵy Trýhılo shtatynda qarýly adamdar 11 adamdy atyp ketti, dep habarlady el prokýratýrasyna siltememen Bı-bı-sı.
Shabýyl jasaýshylar qurbandardy úılerinen aýlaǵa shyǵýǵa májbúrlep, atyp tastaǵan.
Qaza bolǵandardyń barlyǵy er adamdar. Olardyń úsheýi 15, 16, 17 jastaǵy jasóspirimder jáne 18-den 76 jasqa deıingi eresek adamdar.
Prokýratýra qurbandardyń kim ekeni, olardy ne úshin óltirgeni jaıly aqparat bermegen.
Naýryzda Venesýelanyń ońtústik-shyǵysynda Týmeremo qalasynda kem degende 17 shahterdiń máıiti tabylǵan. Qaza bolǵandardyń týystary kenshilerdi jergilikti qylmystyq top óltirgenin aıtyp otyr.
Prokýratýra derekterine sáıkes, 2015 jyly Venesýelada 100 myń adamǵa shaqqanda 58 kisi ólimi tirkelgen.
