Venesýelada áskerıler bir aptanyń ishinde úshinshi esirtki saýdalaýshylar ushaǵyn atyp túsirdi
ASTANA. 21 qazan. QazAqparat - Venesýelalyq áskerıler Apýre shtatynda jeńil motorly ushaqty atyp túsirdi. Ushaqty basqarýshy ushqysh áskerılerdiń jerge qoný týraly talabyn oryndaýdan bas tartqan.
Aptanyń basynda venesýelalyq áskerıler Apýre shtatynda taǵy eki jeńil motorly ushaqty atyp túsirgen.
Belgili bolǵandaı, Venesýelada eldiń aýmaǵy arqyly ushpaq bolǵan esirtki saýdasymen aınalysýshylardyń ushaqtaryn atyp túsirýge ruqsat beretin zań qoldanylady.
«Halyqaralyq esirtki saýdalaýshylar bilip júrsin, osy sátten bastap Venesýelanyń áýe keńistigine engen kez kelgen esirtki tasymaldaýshy buıryq boıynsha jerge qonýlary kerek, bolmasa olardy bizdiń áskerılerimiz atyp túsiredi», - dep málimdedi eldiń prezıdenti Nıkolas Madýro.
