Venesýelada Argentınadan fýtbolshylar mingen avtobýs aýdaryldy
ASTANA. QazAqparat - Venesýelada «Karakas» komandasymen bolǵan matchtan keıin qaıtyp kele jatqan argentınalyq «Ýrakan» komandasynyń fýtbolshylary mingen avtobýs aýdaryldy.
Saldarynan úsh adam - eki sportshy, olardyń bapkeri zardap shekti. Komanda dárigeri olardyń ómirine esh qaýip tónip turmaǵanyn aıtty. Alaıda fýtbolshylardyń otandaryna oralýy keıinge qaldyryldy.
Apatqa avtobýs tejegishiniń aqaýy sebep bolýy múmkin, dep málimdedi TASS.
Argentınalyqtar men venesýelalyqtar matchy 2:1 esebimen "Karakas" komandasynyń paıdasyna aıaqtalǵan.
