Venesýelada apatqa ushyraǵan ushaqtan bir tonna kokaın tabyldy
ASTANA. QazAqparat - Venesýelanyń Kohedes shtatynyń Jırardo mýnıtsıpalıtetinde apatqa ushyraǵan jeńil motorly ushaq anyqtaldy. Aldyn ala boljam boıynsha, ol esirtki dılerleri nemese iri esirtki kýrerleriniń ıeliginde bolǵan. Qulaǵan ushaqtan 863 býma kokaın tabyldy, dep jazady Ultimas Noticias basylymy.
Alynǵan untaqtyń jalpy salmaǵy 999 kelini quraǵan. Jergilikti turǵyndardyń apat týraly habarlaýynan keıin, oqıǵa ornyna polıtsııa men ulttyq gvardııa kelgen. Ushaqtyń ishinde qaza tapqan úsh adamnyń múrdesi tabyldy, dep habarlady Venesýelanyń ishki ister, ádilet jáne beıbitshilik mınıstri Nestor Reverol (Néstor Reverol).
Sondaı-aq, ol eki shetel tólqujaty, mobıldik telefondar men áýe ushýlary kezinde qoldanylatyn GPS qurylǵylarynyń tabylǵanyn naqtylady.
