Venesýela jaǵajaıynda qaraqshylar 300 týrısti tonap ketti
ASTANA. QazAqparat - Betterin búrkep alyp, qarýlanǵan jeti er adam Venesýelanyń shyǵysyndaǵy teńiz jaǵajaıynda demalyp jatqan 300 týrısti tonap ketti.
Shabýyldaýshylar týrısterdi úreılendirý úshin áýege birneshe ret oq atqan, dep habarlaıdy sheteldik BAQ.
Arapıto jaǵajaıynda demalyp jatqandar tonaýshylarǵa ámııandary men baǵaly zattaryn bergen. Shabýyl kezinde eshkim zardap shekpedi.
Kóp uzamaı jergilikti turǵyndar polıtsııanyń áreketsizdigine narazylyq bildirý belgisi retinde Arapıto qalasyna barar joldy jaýyp tastady.
