Venesýela tek Amerıka taýaryn satyp alady - Tramp
ASTANA.KAZINFORM - Donald Tramp AQSh pen Venesýela arasyndaǵy saýda-ekonomıkalyq baılanystyń keńeıetinin jarııalady, dep habarlaıdy Kazinform menshikti tilshisi.
- Venesýela bizdiń jańa munaı kelisiminen túsken qarajatqa tek amerıkalyq taýar satyp alýdy kózdep otyr. Bul satyp alýlarǵa, basqalarmen qatar, amerıkalyq aýyl sharýashylyǵy ónimderi, sondaı-aq dári-dármekter, medıtsınalyq jabdyqtar jáne Venesýelanyń elektr jelisi men energetıka sektoryn jaqsartýǵa arnalǵan amerıkalyq jabdyqtar kiredi. Basqasha aıtqanda, Venesýela AQSh-pen negizgi seriktes retinde bıznes júrgizýge mindetteledi. Bul - Venesýela men AQSh halqy úshin durys tańdaý jáne óte jaqsy sheshim. Osy máselege nazar aýdarǵandaryńyz úshin rahmet, - dep jazdy Donald Tramp TruthSocial-da.
Buǵan deıin Venesýela AQSh-qa 30-dan 50 mıllıon barrelge deıin joǵary sapaly munaı jetkizetini habarlanǵan bolatyn, onyń satylymyn AQSh prezıdenti baqylaıdy jáne Venesýela men AQSh halqynyń ıgiligi úshin paıdalanylýyn qamtamasyz etedi.