Venesýela «Spýtnık V» vaktsınasyn synaý nátıjelerin jarııalady
KARAKAS. QazAqparat – Venesýelalyq dárigerler Reseıde jasalǵan «Spýtnık V» vaktsınasynyń klınıkalyq synaǵyna qatysqan eriktilerde eshqandaı kúrdeli asqyný tirkelmegenin málim etti. Bul týraly jeksenbi kúni Ońtústik Amerıka elindegi vaktsınanyń zerttelýin basqaratyn venesýelalyq dáriger Aleksıs Garsııa Pınera málim aıtty, dep habarlaıdy QazAqparat.
«Alǵashqy dozany 200-den astam erikti, onyń eki komponenti 40 adam qabyldady», - dedi dáriger Venesýela prezıdenti Nıkolasa Madýronyń Twitter -degi paraqshasynda jasalǵan translıatsııa barysynda.
Onyń aıtýynsha, eriktilerde tumaýratý, bas aýrýy nemese egpe ornynyń aýyrsynýy sekildi tek jeńil asqyný anyqtalǵan.
Pınera sonymen qatar elde «aýyr asqyný nemese eriktiniń ólimi» tirkelmegenin aıtty.
«Bizdiń nátıjelerimiz ǵylymı jarııalanymdarda jáne Reseı men Argentınadaǵy vaktsınatsııa nátıjelerimen sáıkes keledi», - dedi dáriger.
Byltyr jeltoqsan aıynda Ońtústik Amerıka eliniń vıtse-prezıdenti Delsı Rodrıges Reseı tarapymen koronavırýsqa qarsy «Spýtnık V» vaktsınasynyń 10 mıllıon dozasyn jetkizý týraly kelisimge qol qoıdy. Al, buǵan deıin Karakas klınıkalyq zertteýdiń úshinshi kezeńine qatysý úshin reseılik vaktsınanyń 2 myń dozasyn alǵany habarlanǵan bolatyn.
