Venesýela: shetelge - saýsaq tańbasymen
ASTANA. 6 qazan. QazAqparat - Venesýela úkimeti valıýtamen alaıaqtyqqa jol bermeý úshin shetelge shyǵatyn el turǵyndarynyń saýsaq tańbalaryn alýdy josparlaýda, dep habarlady Bı-Bı-Sı.
Shetelge shyǵatyn venesýelalyqtar sheteldik valıýtany neǵurlym tómen baǵaǵa satyp ala alady. Alaıda keıbireýler valıýta baǵamyndaǵy aıyrmashylyqtardan paıda tapqysy keledi, olar shetelge barýǵa bılet satyp alady da, eshqaıda barmaıdy, dollardy qara bazarda ústeme baǵamen qaıta satyp, tabys tabady. Mundaı «saıahatshylar» keıde 700 paıyzǵa deıin paıda kóredi.
Endi Venesýela bıligi onyń jolyn kesý úshin shetelge shyǵatyndarǵa nesıe kartasynyń jańa shemasyn oılastyrýda, mundaı kartalar ony satyp alǵan adamdardyń shetelde naqty bolǵany qýattalǵan kezde ǵana paıdaǵa asady.
Mundaı jańalyqqa qarsy bolǵandar, bul adal saıahatshylardy qıyndyqqa ushyratady dep sanaıdy.
Qazir Venesýelada ınflıatsııanyń ósýi qarqyny joǵary bolyp otyr, sút sııaqty negizgi ónimder jetispeıdi, tipti dárethana qaǵazyna deıin qat bolyp ketti.
