Venesýela repatrıatsııalyq reısterdiń kezekti legin qabyldaıdy

ASTANA. KAZINFORM — Venesýela AQSh-tan mıgranttar úshin repatrıatsııalyq reısterdi qaıta bastaıdy, dep habarlaıdy Sınhýa.

АҚШ-тағы мигранттарды Коста-Рикаға депортациялау: Өзбекстан СІМ үндеу жасады
Фото: «AFP» агенттігі

Venesýela senbide AQSh úkimetimen óz azamattary úshin repatrıatsııalyq reısterdi qaıta bastaý týraly kelisimge kelgenin jarııalady. Belgili bolǵandaı, kelesi reıs jeksenbige josparlanǵan.

Venesýela Ulttyq Assambleıasynyń /Parlamentiniń tóraǵasy jáne AQSh-pen kelissóz júrgizetin basty ókil Horhe Rodrıges memleket «adam quqyqtary saqtalǵan kezde otandastarynyń elge oralýyna» kepildik beretin kelisim jasasqanyn aıtty.

Reısterdiń qaıta jandanýyna AQSh prezıdenti Donald Tramptyń kóshi-qon saıasatyna baılanysty shıelenistiń kúsheıýi túrtki boldy. Venesýela jaqynda bolǵan jappaı deportatsııalardy synǵa alyp, Salvadorda ustalǵan 200-den astam venesýelalyq mıgranttardy tıisti quqyqtyq protsedýrasyz bosatýǵa shaqyrdy.

— Kóshi-qon — qylmys emes, — dep atap Rodrıges atap ótti. — Biz qaıtyp oralǵysy keletinderdiń bári úıde bolǵansha jáne Salvadordaǵy urlanǵan baýyrlarymyzdy qutqarǵanǵa deıin tynyshtalmaımyz.

Aıta keteıik, repatrıatsııalyq reıster 8 naýryzda Donald Tramp Venesýeladaǵy amerıkalyq Chevron energetıkalyq kompanııasynyń lıtsenzııasyn joıý týraly sheshim qabyldaǵannan keıin toqtatyldy.

Budan buryn Tramp Venesýelanyń «zańsyz mıgranttar men qylmystyq top múshelerin» qabyldaýǵa keliskenin málimdedi.

Сейчас читают