Venesýela prezıdentiniń jaqtastary parlamentke basyp kirip, birneshe depýtatty jaraqattady
ASTANA. QazAqparat - Venesýelanyń prezıdenti Nıkolas Madýronyń jaqtastary oppozıtsııa baqylaýyndaǵy parlament aýmaǵyna basyp kirdi.
Bul týraly BBC News 5 shildede, osy oqıǵany kózimen kórgenderge silteme jasap habarlady.
Birneshe adam zań shyǵarýshy organ aýmaǵyndaǵy shaǵyn baqqa basa-kókteı kirgen. Bul kezde parlament otyrysy ótip jatqan. Úkimet jaqtastary men oppozıtsııadaǵy depýtattar arasynda qaqtyǵys boldy.
Tártipsizdik saldarynan birneshe zań shyǵarýshy men jýrnalıster jaraqattandy. Atap aıtqanda, Nacional gazetiniń málimetinshe, depýtat Amerıko de Gratsııa basynan aýyr jaraqattanǵan.
Prezıdenttiń jaqtastary taıaqtarmen jáne qoldan jasalǵan jarylǵysh qurylǵylarmen qarýlanǵan, dep atap ótedi basylym.
Venesýeladaǵy ekonomıkalyq daǵdarystan týyndaǵan tártipsizdik sáýir aıynan beri jalǵasyp keledi. Qazirdiń ózinde 91 adam qaza tapty.
