Venesýela prezıdenti N.Madýro E.Snoýdenge saıası baspana usyndy
ASTANA. 6 shilde. QazAqparat - Venesýela prezıdenti Nıkolas Madýro AQSh Ulttyq qaýipsizdik agenttiginiń burynǵy qyzmetkeri jáne amerıkalyq arnaıy qyzmetterdi áshkere etken Edvard Snoýdenge Venesýela aýmaǵynan baspana usyndy, dep habarlaıdy RBK.
Venesýelanyń Táýelsizdik kúnine arnalǵan paradta jasaǵan málimdemesinde N.Madýro: «Men jas amerıkalyq E.Snoýdenge Bolıvar men Chavestiń otanynda gýmanıtarlyq baspana usynýdy sheshtim, ol munda kelip AQSh-tyń qýdalaýshylarynan alshaqta ómir súre alady», - dep atap ótti.
Buǵan deıin Nıkaragýa prezıdenti Danıel Ortega da «eger jaǵdaılar múmkindik berse» E.Snoýdenge baspana usynýǵa daıyn ekendigin bildirgen málimet túsken bolatyn. Qazirgi ýaqytta E.Snoýden Máskeýdiń «Sheremetevo» áýejaıynyń tranzıttik aımaǵynda.
