Venesýela prezıdenti munaı baǵasynyń quldyraýyna baılanysty óziniń eńbekaqysyn azaıtady
ASTANA. QazAqparat - Venesýela kóshbasshysy Nıkolas Madýro munaı baǵasynyń quldyraýyna baılanysty memlekettik shyǵyndardy qysqartýmen aınalysatyn komıssııa qurylǵanyn jarııalady, dep habarlady reseılik «Jańalyqtar» agenttigi.
Komıssııa ásirese joǵarǵy memlekettik sheneýknikterdiń, mınıstrlerdiń jáne olardyń orynbasarlarynyń, sondaı-aq memlekettik kompanııa basshylarynyń eńbekaqysyn tómendetý esebinen shyǵyndardy azaıtý jóninde usynystar túsirýi tıis.
Prezıdenttiń aıtýynsha, shyǵyndardy qysqartý qajettigi munaıǵa álemdik baǵanyń tómendeýi saldarynan bolyp otyr. Memleket muqtajy úshin avtomobılder satyp alýdy mysalǵa keltire otyryp, Madýro: «Men mashınalardy medıtsınalyq qyzmetter úshin ǵana, olar patsıentterdi qabyldap, aýdandarǵa barýy úshin satyp alar edim, al tóreshilderge - mashına satyp almas edim», dedi.
Prezıdent sonymen birge áleýmettik mańyzdy shyǵyndarǵa - atap aıtqanda, «Turǵyn úı», «Taǵam» baǵdarlamalaryna tıispeýge ýáde berdi.
27 qarashada Venada OPEK músheleri uıymnyń 2015 jylǵy maýsymda bolatyn kelesi otyrysyna deıin qazirgi kvotany saqtaýǵa sheshim qabyldady. Bul jańalyq munaı baǵasynyń quldyraýyna ákep soqty, senbi kúni psıhologııalyq mańyzdy mejeden - barreline 70 dollardan tómen tústi.
Baǵanyń tómendeýinen munaı jáne munaı ónimderi eksportynyń JІÓ-degi úlesi eleýli elder zııan shegedi. Venesýelada ІJÓ-niń 21 paıyzy, Reseıde - 14 paıyzyn quraıdy.
