Venesýela prezıdenti jubaıymen birge ustalyp, elden evakýatsııalandy — Tramp

ASTANA. KAZINFORM — AQSh Venesýelaǵa jáne onyń kóshbasshysy, prezıdent Nıkolas Madýroǵa qarsy aýqymdy operatsııany sátti júrgizdi. Nátıjesinde Madýro jubaıymen birge ustalyp, elden evakýatsııalandy, dep habarlaıdy Kazinform agenttigi.

Bul týraly AQSh prezıdenti Donald Tramp Truth Social áleýmettik jelisindegi paraqshasynda málimdedi.

— Bul operatsııa AQSh-tyń quqyq qorǵaý organdarymen birlesip júrgizildi, — dep jazdy Tramp.

Sondaı-aq AQSh prezıdenti Venesýeladaǵy jaǵdaıǵa qatysty baspasóz konferentsııasy ótetinin habarlady. Ol 3 jeltoqsan kúni Astana ýaqytymen 21:00-de Tramptyń Mar-a-Lago rezıdentsııasynda ótedi.

Buǵan deıin CBS News Donald Tramptyń Venesýela nysandaryna soqqy jasaý týraly buıryq bergenin habarlaǵan edi.