Venesýela prezıdenti men onyń áıeli kememen Nıý-Iorkke jetkiziledi - Tramp
ASTANA.KAZINFORM – AQSh Venesýela halqyna bostandyq alyp bergisi keledi. Bul týraly AQSh kóshbasshysy Donald Tramp Fox News telernasyna málim etti.
- Biz bóten bireýdiń bılikke kelip, onyń bastaǵan isin ári qaraı jalǵastyra berýine jol bere almaımyz. Menińshe, Venesýela halqy óte baqytty. Olardy dıktator basqaryp keldi, múmkin odan da jaman shyǵar, - dedi Tramp Venesýela halqynyń budan arǵy ómiri týraly aıta kele.
Aq úı basshysy Nıkolas Madýrony ustaý kezinde Federaldyq tergeý basqarmasy qyzmetkerleriniń qaýipsizdigin AQSh-tyń elıtaly Delta Fors» bólimshesi qadaǵalaǵanyn aıtty.
- Biz buny osydan tórt kún buryn iske asyrmaq bolǵanbyz, alaıda aýa raıy qolaısyz boldy. Bizge aýa raıynyń qolaıly bolǵany mańyzdy edi, biz Karakastaǵy jaryqtyń bárin sóndirdik. Barlyǵy solaı oılastyrylǵan bolatyn,- dedi ol.
Tramp Venesýela prezıdentimen pikirtalas bolǵanyn aıtty jáne ol onymen jeke pikirlesken.
- Madýro men onyń áıeli aldymen desant kemesiniń bortyna jetkizildi. Olar qazir sol kememen Nıý-Iorkke ketip bara jatyr. Olardy tikushaqpen jetkizdi. Olarǵa bul unady degen oıdamyn,-dedi AQSh prezıdenti.
Osyǵan deıin AQSh Venesýela prezıdentin esirtki terrorızmi úshin aıyptaǵan bolatyn.
