Venesýela parlamenti prezıdent Madýrony qyzmetinen bosatyp jiberdi
ASTANA. QazAqparat - Venesýela parlamenti el prezıdenti Nıkolas Madýro «óz qyzmetin tastap ketti» degen qarar qabyldap, ony bılikten ketirýdiń az-aq aldynda qaldy, dep jazady «Habar 24».
Zań boıynsha parlamenttiń mundaı sheshimi prezıdentti laýazymynan bosatýǵa negiz bola alady. Alaıda Joǵarǵy sot Ulttyq assambleıanyń qaýlysyn zańsyz dep, onyń kúshin joıdy.
Zań shyǵarýshy organnyń mundaı qadamǵa barýyna elde birneshe jyl jalǵasyp kele jatqan ekonomıkalyq daǵdarys túrtki bolsa kerek. Oppozıtsııa osy úshin qazirgi bılikti synǵa alyp keledi. Al Prezıdent Madýro «daǵdarys munaı baǵasynyń quldyraýy men ishki jáne syrtqy kúshterdiń astyrtyn áreketinen» dep otyr.
«Nıkolas Madýro halyqty tastap, konstıtýtsııaǵa opasyzdyq jasady. Sondyqtan Ulttyq assambleıa ol qyzmetin tastap ketti dep málimdeýge májbúr», - deıdi Ulttyq assambleıanyń birinshi vıtse-prezıdenti Freddı Gevara.
